Nunarput nunarsuarmi inuussutissanut politikkimi sunniuteqarnerorusuttoq
Nunarput Naalagaaffiit Peqatigiit Inuussutissanut Nunalerinermullu Suliniaqatigiiffiannut FAO-imut ilaasortanngorniarluni qinnuteqassasoq Naalakkersuisut aalajangerput.
Naalakkersuisut nittartakkaminni tusagassiuutinut nalunaarummi allapput.
Nunarput inuussutissalerinermi ataatsimiititaliani peqataasalerusulluni suliniaqatigiiffimmut ilaasortanngorusuppoq.
Taamaaliornikkut nunarput nunarsuarmi tamarmi politikkimi "sunneeqataassaaq, ineriartortitseqataassaaq ilusilersueqataallunilu", tamanna allassimavoq.
Savalimmiut peqataasartutut ilaasortaavoq.
Peqataasartutut ilaasortaaneq tassa ilaappoq ilaasortaq suliniaqatigiiffimmut pitussimannginnerusumik attaveqartarpoq - immaqalu killilimmik pisinnaatitaaffeqarluni.
Nunatsinni naalakkersuisut oqarnerat naapertorlugu nammineq inatsisini ilanngunneqartut pillugit suliaqarneq malittarisassat ilaannik suliaqarnikkut aallartittarpoq.
Tassannga nunarsuaq tamakkerlugu sulineq aallartissaaq, kingornalu nunat immikkoortuini sulinermut ingerlaqqissalluni. Nunarput maannakkut nunat immikkoortuini taamaallaat inissisimavoq.
Inuussutissanik pilersuineq inuussutissallu isumannaatsuunissaat
FAO-imi peqataasartutut ilaasortaaneq assersuutigalugu inuussutissanik pilersuinermut aamma inussutissat isumannaatsuunissaannut atatillugu aamma "naleqquttuusinnaavoq".
Soorluttaaq aalisarnermik suliaqarnermi FAO nunarsuaq tamakkerlugu soorlu Issittumi Siunnersuisoqatigiinni Nunat Avannarliit Ministeriisa siunnersuisoqatigiiffiini suliaqarnermi aamma sunniuteqartarpoq,
Ilaasortanngorneq nunatta nunanut allanut politikkimi periusissiaanut 2024-mit 2033-moortumut attuumassuteqassaaq.
Nunatta nunat tamalaat akornanni akisussaaffiit ingerlaavartumik nalilersussagai nunallu tamalaat akornanni sinniisoqarnissaq qulakkiissagaa tassani allassimavoq.
/ritzau/
