Nunami namminermi pissutsinut, Pinngortitamut Avatangiisinullu
Naalakkersuisoq Anthon Frederiksen Danmarkimilu Avatangiisit
pillugit Naalakkersuisoq Troels Lund Poulsen ataatsimoorussamik
nalunaaruteqarlutik apeqqutini aalajangersimasuni pinngortitamik
avatangiisinillu illersuiniarnermi Namminersorlutik
Oqartussat nunanut allanut isumaqatiginninniarsinnaasut nalunaarutigigamikkik.
Namminersorluni Oqartussaanerup junip 21-anni eqqunneqarnerata
kingorna oqartussaaffiit pingaartumik avatangiisinut attuumassuteqartut
namminersorfigilernissaat aallarnisarneqaruttulerput.
Nunami Namminermut Avatanmgiisinullu Naalakkersuisup Anthon
Frederiksenip oqaatigaa maannamut Danskit Naalakkersuisui isumaqatiginninniartarsimasut, siunissamili Namminersorlutik Oqartussat
naammineerlutik naalagaaffinnik allanik isumaqatiginninniartalernissaat
piviusunngoriartuaartoq.
Assersuutitut taavai USA-p Pituffimmi Uummanami nunamik saliinissamut attuumassuteqartut manna pimoorussamik suliassatut aalajangiunneqarsimammata. Apeqqutillu taama ittut Namminersorlutik Oqartussat USA-mik oqaloqatiginnissutiginnissutigisinnaasaanut ilaasut.
Anthon Frederiksen oqarportaaq soorunami aningaasartuuteqarfiunissaat naatsorsuutigineqartariaqartoq taamaammallu tulleriaarinissaq pisariqartoq.
Pinngortitamilli saliinerit mingutsittisimasunit Danskillu Naalagaafiata
isumaqatigiisuuteqarnerisa kingunerinit mingutsitsiviusimasut pineqartunit
aningaasalersorneqartariaqartut, Nunami Namminermi avatangiisinullu
Naalakkersuisup Anthon Frederiksen-ip oqaatigaa.