Nunarput nunanit allanit ilinniarfigineqarsinnaavoq

Kalaallit Nunaata namminersulivinniarnermini suliniuteqarnera nuna allamiut ilinniarfigilluarsinnaavaat.

Amerikamiu, Georgetown Universitymi ilinniartoq, Andrianne Hammershaimb, ulluni makkunani nunatsinniittoq, oqarpoq.

Adrianne Hammershaimb nunat namminersulerniarlutik suliniuteqartut kissaateqartulluunniit immikkut sammisaralugit Georgetown Universitymi ukiut pingajussaa ilisimatusarpoq. Ukioq kingulleq immikkut allaaserinninnermini Kalaallit Nunaata Danmarkimut atanera allaaserigamiuk ataatsimoortumik tapiissutit kisimik attaveqaataasut isummerfigaa. Kalaallit Nunaat namminiilivissappat qanoq iliortariaqarnersoq paasiniaavigigatsinni, ima akivoq:

- Kalaallit Nunaat pissuussutit uumaatsut piiarlugit aallartissinnaasuuguni nunanillu allanik niueqateqalertuuguni Danmarkimiit avissaarluni namminiilivissinnaassagaluarpoq, Adrianne Hammershaimb oqarpoq.

Nunatta namminiilivinniarluni suliniuteqarnera nunanit allanit atorneqarsinnaanersoq aperaarput, ima akivoq:

- Aap, nunat allat atorluarsinnaavaat. Nunani allani kulturit oqaatsillu assigiinngitsorpassuupput. Taamaakkaluartorli namminiilivinnissamik kissaateqartut arlaqarput. Kalaallit namminiilivinnissartik iluatsilluassagunikku nunanik allanik maligassiuilluarsinnaapput, Andrianne Hammershaimb oqarpoq.