Nunarput Norge-lu aalisarnermik isumaqatigiissuteqarput

Aalisarnermut Piniarnermullu Pisortaqarfik naalagaaffillu Norge aalisarnermik isumaqatigiissuteqarsimapput. Ullut marluk matuma siorna aappaagu imartatsinni Norge-llu imartaani pisassanik isumaqatigiissuteqartoqarpoq.

Nunatta aalisartui Norge-p avannaani, kujasissuanilu saarullinnik saarullernanillu pisassinneqarput.

Norskit aalisartut qaleralinnik, suluppaakkanik, nataarnanik saarullinnillu imartatsinni pisassinneqarput.

Nunatta aalisakkanik 4.000 tons-inik, Norgellu 3.000 tonsinik pissarsivigissavaat.

Aalisarnermut piniarnermullu naalakkersuisup Finn Karlsen-ip sinniisaasalu aappaagumut aalisagartassanik isumaqatigiissut naammagisimaarpaat, kingusinnerusukkullu naalakkersuisunit akuerineqartussaavoq. Nunatta isumaqatigiinniartuisa aappaagumut pisassanik Rusland-illu aallartitai isumaqatigiinnialeruttorput, sapaatillu akunnerata naanerani isumaqatigiittoqassangatinneqarpoq.