Nunarput niueqatigiinnermut ilanngukkusuppoq

Nunatta Savalimmiormiunik Islandimiunillu killeqanngitsumik niueqatigilersinnaanissaa misissorneqassasoq, Jonathan Motzfeldt, nunat avannarliit killiit sinnersuisoqatigiiffiata killeqanngitsumik niueqatigiinneq pillugu Islandimi imasioqatigiissitsinerani nunatsinnit aallartitat siulitaasuat oqarpoq. Islandimiut Savalimmiormiullu killeqanngitsumik niueqatigiinnissamik isumaqatigiissuteqarput. Ataatsimiineq ullumi naammassisoq pillugu Jonathan Motzfeldt oqarpoq.

-Ullumi ataatsimiinnermi Islandimiut nunanut allanut ministeriata nutaap Engelbørge-p saqqummiussinermini, Savalimmiormiut Islandillu niuernikkut isumaqatigiissutaannut Kalaallit nunaat tikilluaqquaa. Nunanut allanut naalakkersuisuusup Aleqa Hammond-ip Island-imi nunanut allanut naalakersuisuiata saqqummiussinerata kingorna akillugu oqarpoq, isumaqatigiissut kalaallit nunaata misissorluarusukkaa aammalu Kalaallit Nunaata sukkut iluaqutigisinnaaneraa nalilersoqqissarniarlugu.

Nunat avannarliit killiit niueqatigiinneq pillugu isumasioqatigiinnerani tamanna tigussaasutut Jonathan Motzfeltd-imit nalilerneqarpoq.

Jonathan Motzfeldt aamma oqarpoq siunnersuisoqatigiiffiup ukiunik qulinngortorsiorneranut atatillugu nunatsinni augutsimi ataatsimeeqatigiinnissaq piareersarneqartoq.