Nunarput namminersulerpat aatsitassat oqartussaaffigineqalissapput

Namminersorneq pillugu ataatsimoortumik isumalioqatigiissitap pisuussutit uummaatsut pillugit suleqatigiissitaani ilaasortat tamarmik isumaqatigiillutik isumalioqatigiinnut ualiartoq inassutigaat aatsitassarsiorneq tamakkiisumik nunatta akisussaaffigilissagaa. Aatsitassat Ikummatissallu pillugit siunnersuisoqatigiit, Danskinit Kalaallinillu ilaasortalik atorunnaarsillugu, nunatsinni aatsitassarsiorneq tamakkiisumik nunarput namminersulivippat akisussaaffigilissavaa. Aatsitassarsiorneq eqqarsaatigalugu piginnittussaanermut apeqqut Namminersorneq pillugu tamakkiisumik isumalioqatigiissitami kingusinnerusukkut isummerfigineqassasoq suleqatigiissitat siulittaasuat Kuupik Kleist radioaviisimut oqarpoq.

-Danmarkip naalagaaffiani tunngaviusumik inatsisaanut attuumassuteqartut soorunami tikittussaasavagut, suleqatigiissitamiunngitsoq, kisianni ataatsimoortumik ataatsimiitsitaliarsuarmi isummersorfiginissaa tulluartuusasoq, Kuupik Kleist oqarpoq. Aamma oqaatsigaa Savalimmiunut isumaqatigiissut eqqarsaatigalugu allaaneruvallaangitsumik isumaqatigiissuteqarnissaq neriuutiginartillugu.

Suleqatigiissitami aamma ilaasortaq, Folketingimi ilaasortaq SF-meersoq Kristen Touborg Jensen ingerlariaqqinnissami isumaqarpoq Savalimmiunut isumaqatigiissutip asserluinnaanik naggataatigut isumalioqatigiissitami isumaqatigiittoqartariaqartoq.

- tassa imaappoq, aatsitassarsiortoqassappat iluanaarutaajumaartussat, danskit tapissutaannut ilanngaataasariaqalissapput, soorlumi savalimmiunut isumaqatigiissut taamaattoq, Kristen Touborg Jensen radiaviisimut oqarpoq.

Suleqatigiissitamili ilaasortat naqissuserpaat, ataatsimoortumik isumalioqatigiissitap apeqqutit kinguleruttussat kingusinnerusukkut inaarlugit eqqartorumaaraat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat