Danskit aningaasaataat nunatsinni atorunnaassavagut nunarput nammineq pappialanik aningaasaqalertussanngormat.
Namminersornerullutik Oqartussanit Naalagaaffiullu Aningaaserivissuanit tamanna aalajangerneqarpoq,
Aningaaserivissuarmillu oqaatigineqarpoq aningaasat 2008-mi piareerumaartut.
Aningaasat koruuniussapput, ullumikkutullu naleqassallutik. Nunatsinneersunik assiliartalersugaassapput kalaallisullu allannertaqassallutik, sunilli assiliartaqassanersut suli aalajangerneqanngilaq. Aningaasat pappialat assigiinngitsut tallimaassapput, halvtreds koruuniniit tusind koruuninut.
Nunarput aatsaat namminerisaminik aningaasaqalinngilaq. 1950-kkunni KGH aningaasanik naqitsisarpoq, 1968-p tungaanut atorneqartunik, kingorna danskit aningaasaat atulerpagut.
Savalimmiormiut ukiut marluk matuma siornagut namminneq aningaasaqalerput. Naalagaaffeqatigiinnermi aningaasat tamarmik naleqqatigiipput.