Assi: Jonas Fievé/KNR

Nunarput nalunaaarusiami killiffissiorneqartoq

Nunatsinni innuttaasut amerlasussaasa ineriartornerat nunanut avannarlernut sanilliullugu qanoq ippa, nunatsinnilu suliffissaqartitsiniarneq Danmarkimut, Sverigemut, Norgemut Finlandimullu sanilliullugu unammillernarnerua.

Apeqqutit taamaattut nalunaarusiap, The state of nordic regionip akissutissaqartippai, taannalu Nuummi Ilisimatusarfimmi marlunngormat saqqummiunneqarpoq. 

Nuummi Ilisimatusarfimmi Karen Refsgaardip nalunaarusiaq State of the Nordic Region marlunngornermi ualikkut saqqummiummagu Stockholmimi Nordregiomi pisortap tullia naapertorlugu nalunaarusiaq nunatta atorluarsinnaavaa.

- Nunani avannarlerni namminnerlu naalaakkersuisulinni pingasuni politikki, aningaasaqarneq kulturikkut oqaluttuarisaaneq assigiipput, immitsinnullu ilinniarfigeqatigiissinnaalluarpugut, pisortaanerup tullia oqarpoq.

AAMMA ATUARUK Nunanik avannarlernik suleqateqarneq Nunatsinni nuannarineqarluartoq

Nunat Avannarliit Ministerinut Siunnersuisoqatigiiffiata nunat immikkoortuisa ineriartornerat pillugu ilisimatusarfiata nalunaarusiaq, State of the Nordic Region,1981-imiilli ukiut allortarlugit saqqummersittarpaa.

Allaaserisaq nalunaarsuiffiup kingorna nangeqqissaaq

State of the nordic regionimit nalunaarsuiffik. Tigusiffik: Eurostat og NSIs.

Nalunaarusiaq tamaat Nordisk rådip nittartagaani atuaruk.

2018-imut nalunaarusiaq naapertorlugu nunatsinni suliffissaaleqisut Savalimmiunut Skandinaviamullu sanilliullugu amerlanerupput, nalunaarusiarlu naapertorlugu ukiuni qulini kingullerni suliffissaaleqineq pitsaanngitsumik ineriartorpoq.

Aammattaaq sumiiffinnut allanut sanilliullugu nunatta inuttussusia kinguariarfiuvoq.

State of the nordic regionimit nalunaarsuiffik. Tigusiffik: Eurostat og NSIs.

Naak nunarput assigiinngitsorpassuartigut nunanut avannarlernut allanut sanilliullugu avissaanganerugaluartoq nunat avannarliit allat sanilliuffigalugit iluaqutigisinnaagipput Karen Refsgaard isumaqarpoq.

- Danmarkilu suli naalagaaffeqatigiippugut, oqartussaqarfivut ukiuni hunnorulikkaani assigiipput, ataatsimullu kultureqarluta, taamaammallu immitsinnut ilisarisimalluarluta, Karen Refsgaard oqarpoq.

AAMMA ATUARUK Juullip inuanut atugassaqartitsilluarnerpaat allattorsimaffianni Nunarput akunnattumik inissisimasoq

Pitsanngorsaanissaq inissaqartoq

Karen Refsgaard naapertorlugu tulliani nalunaarusiap saqqummernissaanut pitsanngorsaanissamut inissaqarpoq.

- Tulliani nalunaarusiami Kalaallit Nunaat ajunnginnerusumik takutinneqassasoq, Kalaallit Nunaannilu periarfissat takullugit pisuussutinik atorluaalluarnerulissasugut nalunaarsuinermilu pitsaanerusunik kisitsisaateqalissasugut neriuutigaara.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl