Nunarput Londonimi nittarsaanneqalerpoq

Josef Motzfeldt isumaqarpoq nunarput nunarsuarmi tusaamaneqarnerulertariaqartoq.

Sapaatip akunnerata tulliani London- imi saqqummersitsinermi, nunarput tusagassiutit amerlasuut aqqutigalugit nittarsaanneqassaaq.

Josef Motzfeldt ima nassuiaavoq:

-Nunatsinni suliffeqarfiit angisuut, Air Greenland, Royal Greenland, KNI takornariaqarnermullu qullersaqarfik, taakkuupput nunatta nittarsaanneqarnissaani piareersaaqataasut aningaasaliisullu, Josef Motzfeldt oqarpoq.

Qimusserneq, qaannat, atisavut erinarsoriaatsillu takutinneqassapput, pingaarnerpaatulli nittarsaanneqassaaq nunarput ullumikornissaq.

Saqqummersitsivissarujussuaq Londonip qeqqaniittoq kalaallimit tikilluaqquneqartussaavoq. Umimmaat, nannut, iluliamerngit, qaannallu pinnersaataasussaallutik.

Nittarsaanissaq suliffeqarfinnit assigiinngitsunit namminersornerullutillu oqartussanit aningaasaliiffigineqartoq, maannamut 2 millioni koroonit pallillugit akeqarpoq.

Nunatta nunanut allanut nittarsaanneqarnissaa ukiuni amerlasuuni tulliuttuni ingerlaartuartussaasoq, Josef Motzfeldtip aamma oqaatigaa.