Nunarput kulturip tungaatigut nuannaartorineqarpoq

Kulturpolitikki pillugu ulluni pingasuni isumasioqatigiinneq Katuami Nuummiittumi naammassivoq.

Savalimmiunit, Ålandimit, samet nunaannit nunatsinniillu peqataasut pissarsilluarsimallutik inuit assigiinngitsut oqaloqatigisatta oqaatigaat.

Sameq Harald Gadski nunatsinni kulturemik ingerlatat pillugit ilaatigut oqarpoq atuakkiortunik amigaateqartut, taamaaqataanillu atuakkanik saqqummersitsiniartarneq aningaasat peqqutaallutik ajornartorsiutaasoq. Taanna aamma oqarpoq isiginnaartitsisartut nersunarsimaqisut annerusumik sivisuumik tapiiffigineqartarsimanngimmata.

Ålandimeersoq Jan Ole Lönnblad isumaqarpoq Kalaallit Nunaanni Katuamik pilersitsisimaneq usorsisimaarnartuusoq, namminneq Ålandimi taamaattoqannginnamik. Nunatsinni oqaluttuaqqattaariaaseq tammatsaaliugassatut piukkuppaa.

Savalimmiuneersoq Johannes Dalgård oqarpoq nunatsinni ilikkakaminik Savalimmiunut angerlaassassaqarluni, tassalu eqqumiitsuliornermik suliniarnerit pitsaalluinnarmata meeqqallu atuarfiani eqqunneqarsimallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat