Nunarput IWC-mi ajorsarpoq

Nunatta arfernik angisuunik pisassaqaqqulluni kissaataa IWC-mit ullumi akuerineqanngilaq.
Allattoq Ludvig Siegstad
juulip 05-at 2012 13:27

Nunarput arfattassanik kissaateqartilluni EU Danmarkimut nunatsinnullumi naliginnaasumik tapersersuisarpoq. Taamaattoq EU nunatta  kissaataanut ullumi tapersersuinngilaq, EU-p kommissæri oqalukkaluaqisut nunat inoqqaavinut ataqqinnittoqartariaqartoq.

Danmarkip kissaataanut akuersinnginnerminut patsisigaa affernik pisassiinermi ikinnerusunik pisassiiniarnermi isumaqatigiissutissarsisoqarsinnaannginnera.

EU nunatsinnut tunngasunik pissutsinullu, nunattalu kissaataanut, ilisimasaqarpallanngikkaluartoq, taamaattoq Danmark pilersaaruteqanngilaq IWC-mit ilaasortaajunnaarniarluni, danskit arfernut tunngasunut kommissæria Ole Samsing Ritzaumut oqarpoq.

IWC Panamami ataatsimeersuarpoq.