Nunarput EXPO 2005-mut peqataassanngilaq

Nunarsuarmioqatigiit takutitsivissuanni EXPO 2005-mimi Japanimi illoqarfimmi Aichimi takutitsinersuaqalerpat nunatsinnit peqataasoqassanngilaq.

Peqataarusunnginnermut namminersornerusunit akissuallaarinninneq peqqutaasoq, nunanut allanut allaffeqarfimmi pisortap Mikaela Engellip nalunaarutigaa.

Mikaela Engellilli oqaatigaa nunat avannaamioqatigiit ataatsimoorussamik takutitsiveqarnissaat siunniussimagaat, takutitsivissamilu nunatsinni suliffeqarfiit nalunaarnermmikkut ilanngussinnaasut.

Sulisitsisut peqatigiiffia Grønlands arbejdsgiverforening isumaqarpoq nunatsinni suliffeqarfiit amerlanerit saqqummersitsinermut akissaqarnavianngitsut, suliffeqarfissuilli anginerit, soorlu Royal Greenland, takornariartitseqatigiiffik kiisalu timmisartortitseqatigiiffik kisimik akissaqartut.

Suliffeqarfissuillu taakku kunngikkormiut Japanimut qaammammi uani angalaqatigilerunikkik nittarsaannissaminnut periarfissaqassasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat