Politikki

Nunarput Danmarkilu Nunarsuarmioqatigiit Ataatsimeersuarnerannut peqataasut

Nunap inoqqaavi Naalagaaffiit Peqatigiinni New Yorkimi ullumi ataatsimiilerpata, Danmarkip nunanut allanut tunngasunut ministeria Martin Lidegaard, Naalakkersuisullu siulittaasuat Aleqa Hammond peqataassapput.
Danskit nunanut allanut ministeriat Martin Lidegaard aamma Naalakkersuisut Siulittaasuat Aleqa Hammond. Assi © : Naalakkersuisut
Allattoq Mads Lynge
septembarip 22-at 2014 07:41

Nunat 100-likkuutaat ataatsimeersuarnermi peqataassapput, nunani assigiinngitsuni nunap inoqqaavi ataatsimiissallutik.
 
Naalagaaffiit Peqatigiit qullersaat Ban Ki-moon, Inuttut pisinnaatitaaffiit pillugit kommissæri, Nunallu Inoqqaavisa Atugaat pillugit Isummersoqatigiiffiup siulittaasua ataatsimiinnermi aamma peqataassapput.
 
Nunat inoqqaavisa pisinnaatitaaffii nunani assigiinngitsuni qanoq iliorluni qulakkeerniarneqartarnerat pillugu ataatsimiinnermi Martin Lidegaard Aleqa Hammondilu ualeru peqataassapput.

AAMMA ATUARUK Aleqa Hammond silap pissusia pillugu ataatsimeersuarnissamut peqataajartulersoq

Aleqa Hammond peqatigalugu ataatsimeersuariarnini nuannaralugu, nunanut allanut tunngasunut ministerip Martin Lidegaardip oqaatigaa:
 
- Danmarkip Kalaallit Nunaatalu suleqatigiinnerat, Danmarkillu Kalaallit Nunaatalu akornanni ataqatigiinnerit nunani tamalaani ataqqineqartoq malunnarpoq, Martin Lidegaard oqarpoq.
 
Danmarkip nunat inoqqaaviisa ataatsimeersuarnissaat 1 millionit koruuninik aningaasaleeqataaffiginikuuaa.

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq