Nunarput Danmarkilu isumaqartigiinngeriaannaapput
Aviisimi Informationimi allaaserineqarpoq, Danmark aamma Kalaallit Nunaat CO2-mik aniatitsinerup qanoq annertussususeqarnissaa pillugu isumaqatigiissinnaanngitsut, matumani Nunatsinni suliffissuaqarnikkut ineriartortitsisoqarsinnaanissaa pineqarpoq.
- Danmarkilu paaseqatigiissinnaanissarput anguniagaavoq. Taamaattorli isumaqatigiissinnaanngikkutta, allatut iliuuseqartariaqarpugut. Tamannalu pillugu qallunaat naalakkersuisui nalunaarfigereerpavut, Kuupik Kleist oqarpoq. Taassuma ilanngullugu ilisimatitsissutigaa, Nunarput G77-imut, tassa nunat piitsut kattuffiannut ilaaqqullugu kajumissaarneqartoq.
Silap pissusaata allanngoriartornera pillugu ataatsimeersuarnerup, "Nuuk Climate Days 2009"-ip ammarneqarneranut atatillugu, Kuupik Kleistip minutsinik tallimanik piffissalerneqarnermi sivitsorneqarnissaa aaqqissuisunut qinnutigaa.
nalunaaquttap akunnera ataaseq qaangiuppat aallartissaaq. Ataatsimeersuarneq Naalakkersuisut siulittaaasuata, Kuupik Kleistip, nalunaaqutaq qulingiluanut ammassavaa.
Ataatsimeersuarnermi pingaarnertut sammisassat pingasuupput: Nunatsinni sermersuarmi sermeq immamilu siku massakkorpiaq qanoq pippat, ukiullu qulit/-15-it qaangiuppata qanoq issappat? Sikup aakkiartornera nunarsuatsinnut qanoq sunniuteqassava? Imavissuit qanoq sunnerneqassappat?
Kiisalu - silap pissusaata allanngoriartornera Nunatsinnut qanoq sunniuteqassava - allannguutinullu qanoq naleqqussarsinnaavugut?
Ilisimatusartut 30-t missaanniittut sermersuarmiit toqqaannartumik ataatsimeersuariaqataasut oqarsinnaavugut, taakkumi aasaq manna sermersuarmi ilisimatusarput.
