Assi: Blå Kors Danmark

Nunarput Danmark pillugu maalaaruteqartoq

Nunatta danskit naalakkersuisui Naalagaaffiit Peqatigiit suliniaqatigiiffiinut pingasunut maalaarutigai.

Danskit naalakkersuisuisa inuit pisinnaatitaaffii pillugit eqqunngitsuliorsimanerannut tunngasumik Kalaallit Nunaata Naalagaaffiit Peqatigiit suliniaqatigiiffiannut assigiinngitsunut pingasunut maalaaruteqarpoq.

Aviisi Dagbladet Information taama allaaserisaqarpoq.

AAMMA ATUARUK Camp Century Naalagaaffiit Peqatigiinnut suliassanngortinniarlugu nunatta sioorasaarutigigaa

Maalaarutit apriilimi nassiunneqarput, USA-p saliinissamut akisussaaffiinik sumiginnaasimasutut Danmark unnerluutigineqarmat, nunattalu Pituffimmi aningaasatigut qulakkeerinnittoqarsimanngimmat.

- Danskit naalakkersuisuisa Kalaallit Nunaat pitsaasumik pissuseqarfigisariaqaraluarpaat. Ukiut sisamat ingerlanerini akissummik piumasaqarpugut, Nunanut allanut tunngasunut naalakkersuisuusimasoq, Vittus Qujaukitsoq aviisimut Informationimut oqarpoq. 

AAMMA ATUARUK Qujaukitsoq tunuartoq

Kalaallit Nunaata Danmarkillu isumaqatigiinnginnerat pillugu Naalagaaffiit Peqatigiit inuit pisinnaatitaaffiannut aatsaat siullerpaamik anngussisoqarpoq.

AAMMA ATUARUK Naalagaaffiit Peqatigiinnut suliassanngortitsiniarneq sakkukillineqarpoq

Naalagaaffiit Peqatigiinnut maalaaruteqarnermi Naalagaaffiit Peqatigiit nunap inoqqaavisa pisinnaatitaaffii pillugit nalunaarutaat 2007-meersoq Naalagaaffiillu Peqatigiit Sulisoqarneq pillugu Suleqatigiiffiata ILO-p naalagaaffinni nunap inoqqaavi pillugit isumaqatigiissutaa 1989-imeersoq ilaatigut innersuussutigineqarput.

Danmarkip Naalagaaffiit Peqatigiinni Genevemi aallartitaata Carsten Staurip uppernarsarpaa Nunatta maalaarutigisai ilaatigut Naalagaaffiit Peqatigiit nunap inoqqaavi pillugit immikkut nalunaarusiortuannut Nunarput sinnerlugu tunniussimallugit.

Aviisi Information naapertorlugu maalaarutigineqartut, Vittus Qujaukitsup naalakkersuisuunermi tunniussimasai, Naalakkersuisunit aalajangiusimaannarneqassanersut nalunarpoq.

Maanna nunanut allanut naalakkersuisuusoq, Suka K. Frederiksen, aamma danskit nunanut allanut ministeriat Anders Samuelsen aviisip oqaaseqartissinnaasimanngilai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat