Nunarput avaqqullugu Nato issittoq pillugu ataatsimiisitsivoq

Issitumi Nunatsinnut attuumassuteqartumi Natop sakkutooqarnikkut annertusaanissaa Reykjavikkimi nunat arlallit ataatsimiineranni eqqartorneqasimavoq.
Allattoq Jaaku Lyberth
januaarip 30-at 2009 16:06

Ataatsimiinermi Nunatta qaaqqusaannginnera, Nunanut Allanut Naalakkersuisumit Per Berthelsenimit tupaallaatigineqarpoq.

- Soorunami tupaallaatigaara ataatsimeersuarnermut annertuumik uagut nunatsinnut avatangiisitsinnullu attuumassutilimmik oqallinnermut qaaqqusaasimannginnatta. Danmarkip Nunattalu akornanni isumaqatigiissutaavoq sutigut nunatsinnut attuumassuteqartut eqqartorneqartillugit tamatigorluinnaq periarfissinneqarsinnaassasugut toqqaannartumik peqataanissamut. Taamaattumik narrujuumminartutut isigaara taama kingusitsigisumik ilisimatinneqarsimanerput, tassami ullut 14-it matuma siorna aatsaat ilisimatinneqarsimavugut.

Taama oqarpoq Per Berthelsen.

Per Berthelsenip Danskit nunanut allanut ministeriat sapaatit akunneri arlallit qaangiuppata ataatsimeeqatigissavaa, ilaatigullu apeqqutigissallugu sooq Kalaallit Nunaat Reykjavikimi ataatsimiinnermut qaaqquneqarsimannginnerlutik,

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq