Nunarput apriilimi aatsaat taama kiatsigaaq
- Silasiorfinni qulingiluaasunit apriilimi agguaqatigiissillugu aatsaat taama kiatsigisoq uuttorneqarpoq, silasiortoq John Cappelen DMI-p nittartagaani allappoq.
Upernavimmi nalinginnaasumik issisiut agguaqatigiisillugu 13,1-miittartoq 4,5 gradiinnarnik ississimavoq. Nuummi 1,6 gradinik kiassimavoq, nalinginnaasumik 3,8 gradinik issittarluni.
Kangerlussuaq aamma malunnaatilimmik rekordiliiffiusimavoq. Ullup ataatsip ingerlanerani, apriilip ulluisa aqqarnganni, 17,8-nik kiassimavoq.
Narsarsuarmi aamma kiannerpaasimavoq, Apriilip ulluisa 26-anni 19-inik kiassimalluni.
DMI-meersoq John Cappelenip oqaasii naapertorlugit aatsaanngooq taama malunnaatilimmik rekordiliisoqarpoq.
Nunatsinni kiassutsit assigiinngissutaat
- Upernavik: -4,5°C. Naling.: -13,1°C
- Ilulissat -0,6°C. Naling.: -8,2°C
- Aasiaat: -1,9°C. Naling.: -9,6°C
- Kangerlussuaq: +2,4°C. Naling.: -7,8°C
- Sisimiut: -0,6°C. Naling.: -7,1°C
- Nuuk: +1,6°C. Naling.: -3,8°C
- Aputiteeq : -2,8°C. Naling.: -7,2°C
- Ikerasassuaq: +1,5°C. Naling.: -0,9°C
- Summit (Sermersuaq): -25,3°C. Naling.: (2006-15) -32,5°C
Taakkunani kiannerpaaffiit:
26. april 2016: 19,1°C Narsarsuaq
12. april 2016: -6,5°C Summit.
11. April 2016: 17,8°C Kangerlussuaq
11. April 2016: 16,6°C Nuuk
Kilde: DMI.dk