Nunatta normu 41-mut inissinnera siornamut sanillillugu pitsanngoriarneruvoq, siornaak 83-it akornanni normu 63-mut inissimmat. Nunarpulli nunat aatsitassarsiorfigissallugit pilerigineqarpiannginerit ilaanniittuarsinnarpoq.Assi: KNR/Anton Gundersen Lihn

Nunarput aatsitassarsiorfigissallugu pilerigineqarnerulaalersimasoq

Pisuussutinik piiaanermik suliallit nunatsinnik suleqateqarnissartik ernummanartoqartinnginnerulaalersimavaat, nunarpulli nunat aatsitassarsiorfigissallugit pilerigineqarpiannginerit ilaanniittuarsinnarluni.

Nunarput nunat aatsitassarsiorfigissallugit pilerinarnerpaat ilaattut ilannguteqqippoq.

Nunat aatsitassarsiorfigissallugit pilerinarnerpaat siorna allattorsimaffianni nunat 76-it akornanni nunarput normu 41-mut inissippoq, allattorsimaffik taanna Canadami isummersuisarfiup Fraser Institutep marlunngornermi pisortatigoortumik saqqummiuppaat.

Nunatta normu 41-mut inissinnera siornamut sanillillugu pitsanngoriarneruvoq, siornaak 83-it akornanni normu 63-mut inissimmat. Nunarpulli nunat aatsitassarsiorfigissallugit pilerigineqarpiannginerit ilaanniittuarsinnarpoq.

Nunanik naliliinermi misissuinerit marluk tunngaviusarput: Nunap ilua soqarpa, taava aamma pissuussutinik piiaanissamut nunami pissutsit naalakkersuisoqarnerlu pissuussutinik piiaanermik suliallit qanoq paasivaat, soorlu sulisussaqarneq, akileraaarutit taavalu aqutsinikkut avatangiisinullu tunngasuni nalorninaatsuussuseq isigigaanni.

Pissutsit naalakkersuisoqarnerlu pilerinarpianngissutaasut 

Nunatsinni aatsitassat pissutaallutik piaaffigissallugu pilerinarnerpaat 36-annut inissippoq.

Pissuussutinik piiaanermik suliallit nunatsinnik suleqateqarnissaminnik isummertarneranni nunarput normu 48-mut inissippoq.

AAMMA ATUARUK Kalaallit Nunaat soqutigineqarunnaariartortoq

Pisuussutinik piiaanermik suliallit nunarput pillugu paasinnittarnerat siornamut sanilliullugu pitsaaneruvoq. Piginnaasaqarluartunik sulisussaqarneq, asimi illersugaasut inatsisillu naapertuunnersut pillugit pissuussutinik piiaanermik suliallit ernummatikinnerullutik oqarput.

Pissuussutinilli piiaanermik suliallit ilaasa pisortaat ataaseq Namminersorlutik Oqartussanut oqaaqqisssaaruteqarpoq:

- Aatsitassanut Naalakkersuisoqarfimmi suliat iserttuaatsuunngippallaaqaat, taamaanneralu aningaasaleerusuttunut nalornilersitsivoq, taanna oqarpoq.

AAMMA ATUARUK 'Ajuusaarnartorujussuuvoq' aamma 'pitsaanngilaq'

Nunatta ukiuni tallimani kingullerni inissisimanera allanngorarpoq. 2013-imi inissisimalluarnerpaavoq, nunarsuarmi pitsaanerpaat arfineq aappaattut inissisimagami.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat