Nunarmioqatigiit nalagiaqatigiinnerat
Naalagiaqatigiinneq oqaatsit assigiinngitsut quligiluat atorlugit ingerlanneqassaaq, tussiartoqartarluni, filipinimiutut erinarsoqatigiittoqarluni, Nunallu avannarliit erinarsoqatigiivi, juullimi immikut ittumik ilisarnaataasa oqariartuutaasalu ilaat atorlugit ingerlanneqassalluni.
Nunat avannarliit erinarsoqatigiivisa siornatigut juullerpalaartitsineq ingerlattareerpaat.
- Nunarsuarmioqataanerup allanngoriartornera malitsigalugu, Nuuk aamma allanngoriartorpoq, aaqqissueqataasoq palasi Aviaaja Rohmann Pedersen oqarpoq.
- Inuiaasutsit assigiinngitsut amerligaluttuinnartut Nuummut pisalerput, taamaammat isumaqarsimavugut oqaluffitsinnut tikilluaqqussallugit isuma pitsaasuusoq, Nuummi palasi Aviaaja Rohmann Pedersen oqarpoq.
Annaassisitta Oqaluffinnguata qanilaartup ulikkaavinnissaa sisamanut ilimanarluinnarpoq.
Sapaassuit pingajuannilu pilluarisi.