Umiarsuaatileqatigiiffimmut Arctic Travel Groupimut piginneqatigiissutinik 3,7 million koruunit nalinginut pisinermigut, suliffeqarfik aningaasaliisarnermik suliaqartoq Greenland Venture piginneqataalerpoq.
Kalaallit Nunaanni nunaqavissut piginneqataalernerat taamaalilluni nuannaarutissaasoq ATG-p siulersuisuini siulittaasoq Søren Rasmussen oqarpoq.
Aamma oqarpoq nunatsinneersut piginneqataalernerisigut suliffeqarfiup siunissami nunatsinniiginnarnissaa iluanaarutaasumillu ingerlalersinnaanissaa naatorsuutigineqarsinaalersoq.
ATG-mik piginneqatigiit tallimanngortut tassaapput, Greenland Venture, Albatros Travel, Topas Adventure, Profil Rejser ATG-llu pisortaa Søren Andersen.