Nunaqarfinnut pajuttuineq iluarisimaarneqarpoq

Januaarip aallaqqaataani KNI A/S –ip Royal Arctic Line-p nunaqarfinnik kiffartuussinera akisussaaffigilermagu Assartuivik pilersinneqarpoq. Nunaqarfimmiut kiffartuunneqarnertik ajorseriaqinammat ernumapput.

-Maanna qaammatit pingasut ingerlareerneranni, misigisimavunga ajunngivissumik nunaqarfimmiut pisariaqartitaat malillugit kiffartuussilluta. Tamanna iluarisimaarpara, kujataani Assartuivimmi ataqatigiissaarisoq Ingeborg Larsen oqarpoq.

Nunaqarfiit katillugit aqqaneq marluk imaatigut angallatinik pajuttunik, sapaatit akunneri tamaasa assartugassaqartillugu nunaqarfimmiut pisariaqartitaannik pajuttorneqartarput.

Nunaqarfinni niuertut Danmarkimut nioqqutissanik qarasaasiakkut piniarsinnaalerput. Piniakkat Qaqortumut tikiunneqartut Assartuiviup ingerlateqqittarpai.

- Sikorsuit akornutaaajunnaarput. Kisianni Kimmernaq Nanortalimmeersoq, ippassaq maskinaminik ajutoormat Angaju Ittuk pajuttuigallalissaaq, Ingeborg Larsen oqarpoq.

Sapaatip akunnerata tulliani Kimmernaq angalaqqilis-

sagunartoq aamma oqaatigineqarpoq.