Nunaqarfinnik sullissineq pitsaanerusoq ujartorpaat

Nunaqarfinnik sullissineq pitsaanerusoq Kalaallit Nunaanni Nunaqarfiit Peqatigiiffiannit ujartorneqarpoq.

Nunaqarfimmioq angut utoqqaq napparsimalernermi kingorna, ingerlaannaq napparsimmaviliaanneqannginnermi kingunerisaanik Upernaviup napparsimaviani juunip 19-ani toquvoq.

- Taama pisoqartarnera takornartaanngilaq, kissaatiginarpoq nunaqarfimmiunik sullissineq pitsaanerusoq ujartorneqassasoq, Kalaallit Nunaanni Nunaqarfiit Peqatigiiffianni Kanunupe-mi siulittaasoq, Jens Kristian Therkelsen oqarpoq:

- Nunaqarfimmiut illoqarfimmiutulli pisinnaatitaaffeqarput, tamannalu assortorneqarsinnaanngilaq. Nunaqarfiit ilaat illoqarfinnut ungasittarput, taamaattumik pinartoqartillugu naalaruluttoqartarpoq, taamaattumik aningaasat aporfiginagit napparsimasut sullinneqartariaqarput, tamannalu inuiaqatigiit tamatta akisussaaffigaarput, Jens Kristian Therkelsen oqarpoq.

Kalaallit Nunaanni Nunaqarfimmiut Peqatigiiffiata Peqqinnissaqarfiullu siorna ataatsimiinnerminni ungasianiit nakorsiartitsisalernissaq oqaluuseraat.

Peqqinnissakkut sullissisoq peqqissaasorluunniit nunaqarfimmii qarasaasiaq iluaqutigalugu napparsimasuutiminik misissuisinnaavoq. Tamatuma kingorna misissuinerit inerneri eqqortumik nakorsaanissaq siunertaralugu, napparsimavimmi qaninnermi peqqissaasumut nakorsamulluunniit naliliivigisassanngorlugit nassiussinnaavaai.

- Isumaqarpunga tamakkua ammasumik eqqartorneqartariaqartut. Peqqinnissaqarfiup tungaaniit nunaqarfinnik sullissinerup pitsanngorsarnissaa oqaloqatigiissutigisariaqarparput. Nalunngilarput ungasianiit nakorsiartitsisalernissaq pilersaarutaasoq, taamaaliortarnerlu pitsaanerusumik pisinnaasoq oqaloqatigiissutigisariaqarparput, Jens Kristian Therkelsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat