Nunaqarfinni tunitsiviit pilliutigineqalerput

Arctic Green Food-ip nunaqarfinnut qulingiluanut sullissinermut isumaqatigiissutaat Naalakkersuisut millilerpaat. Taama oqarpoq KNAPK-p siulittaasua John Biilmann, taassuma politikerit sullissinermi isumaqatigiissummut iliuusai iluarinngilai.
novembarip 27-at 2008 16:01

Aalisarneq tunulliullugu suliffissualiortiternialerneq isorliunerusunut ulorianaateqarsinnaasoq, John Biilmannip oqaatigaa. Taanna nangilluni erseqqissaavoq naalakkersuisut aatsitassanik ujarlernerat innuttaasunut sattaaserlunilusooq pisutut assersuunneqarsinnaasoq. Nunaqarfimmiut illoqarfinnut nutsertinniarneqaratarsinnaanerarpai, aatsitassanik uuliasiornermillu suliffissuarni sulilersinneqassallutik. Taamatuttaaq tunisassiorfinnik matusiniarnermut naalakkersuisut suliffinnik ineriartortitsinerat pissutaaqataasinnaasoq oqaatigaa.

Nunaqarfiit Arctic Green Foodip kinguneranik aningaasarsiornikkut pingaarnertut tunitsivii matuniarneqalermata KNAPK-mi pisortap John Biilmannip politikerit nutaamik kiffartuussinermut isumaqatigiissusiornissaannik siunnersorpai.

-Politikerit landstingimi aningaasaqarnermullu ataatsimiisitaliami ilaasortat susassaqartut qanimut oqaloqatigeqqullugit kaammattorusuppagut.

Isumaqarpugut politikerit susassaqartullu imminnut oqaloqatigiittuugunik tunitsivinnik matusinissaq pinngitssortissinnaassagaat, John Biilmann oqarpoq.

Politikerit tunisassiorfinnik matusinialernerat ilaqutariinnut piniartukkormiunut qanoq kinguneqassava? -Nunaqarfimmiut tamarluinnangajavimmik tassunga attuumassuteqaramik kingunerlutsittorujussuussavaat.

Taakkua aningaasarsiornerat ulluinnarni pisariaqartilluinnagaat, taamaammat tamanna matusinermik malitseqassagaluarpat ajorluinnartumik kingunerlutsittussaavarput, KNAPK-mi siulittaasoq John Biilmann oqarpoq.

Aningaasaqarnermut Naalakkersuisoq Per Berthelsen ullormut oqaluuserisassanik toqqortanik pasillerneqarneq paasiuminaatsilluinnarpaa, KNAPK-llu oqaaseqaatai ataasiinnaavallaartutut taallugit.

Per Berthelsen aamma oqarpoq Naalakkersuisut nunaqarfinnut siunnersuisoqarnermik aaqqissuussineq pillugu pilersaaruteqartut, kiffartuussinermik isumaqatigiissutit atulerseqqinneqassappata. Pilersaarutip imaatigut inuussutissarsiutit nunami inuussutissarsiutinik nutaanik taarserneqarsinnaanerat qulakkiissavaa, nunaqarfinni periarfissat assigiinngitsut apeqqutaatillugit.