Nunaqarfinni nioqqutissat peqqinnartut amigaataapput

Nunaqarfinni meeqqat marluugaangata ataaseq ullut tamaasa mamakujuttutortarpoq sodavand-itortarlunilu, meeqqallu pingasuugaangata ataaseq pualavallaartarluni.

Tamannalu piniarfinni peqqinnartunik amigaateqartuarnermik peqquteqarpoq.

-Ajornakusoorpoq nunaqarfimmiilluni peqqinnartunik ukioq annerpaaq soqarpiarneq ajoratta, Dorthe B. Petersen, Ukkusissani Uummannap pigisaani peqqissaanermi ikiorti oqarpoq.

Tamanna meeqqat peqqissuutinniarnerannut sunnuiteqarnerluppoq, meeqqat sukkulinnik pisiniarnerusarmata.

-Uanga imatut sunniuteqartutut malugisimavara peqqinnartunik nerisassanik qinigassagut ima ikitsigimmata ajornakusoortorujussuusoq. Meeqqat pisiassani sukkullit qineqqaartaramikkit, mamakujuttut, chipsit sodavand-illu.

Dorthe B. Petersen-ip pisiniarfimmi amigaataanerpaasorivaa grønsagit, naatsiiat, naatitat, immussuit, manniillu, ukioq tamakkiusallugu piffimmiit piffimmut nunguttuaannarmata.

-Tupinnaqutigivaa ukioq kaajallallugu pigisinnaasaratsigit. Dorthe B. Petersen oqarpoq.

Dorthe B. Petersen-ip kissaatigigaluarpaa grønsagit naatitat immussuillu pisiniarfinni pigiuaannarneqarnissaat, meeqqat peqqinnanngitsunik nerisaqartuarnerminni taattuluttarmata, napparsimakulallutik kigullullutillu.