Nunaqarfinni nioqqutissat amigaataapput

Umiarsuup pajulluni Atammimmut ullumi tikinnissaa Pilersuisumit ilimagineqarpoq, umiarsuullu avannamukaarnermini Napasumut tikinnissaa aamma naatsorsuutigineqarluni.

Kangaamiut umiarsuarmit aqagu tikinneqarnissaa naatsorsuutigineqarpoq. Itillimilu siku akornutaassanngippat umiarsuaq sapaatip akunnerani matumani aamma tikissaaq.

Sarfannguit sikoqartuarsinnarmat, tassani Pilersuisumi sulisut qamuteralannik Sisimiunut nioqqutissanik aallernissaminnut akuerineqartut, Pilersuisumi nioqqutissaqarnermut pisortaq, Bent Møller oqarpoq.

Sakkutuut alapernaarsuutaat, Hvidbjørnen ikiortigalugu sapaatit akunneranni kingullerni, Narsarsuaq aamma Qassiarsuk umiarsuarmik tikinneqarput. Tamatuma saniatigut Kujataani nunaqarfinnut tikinnissanik allanik taamaatitsiinnarnissaq naatsorsuutigineqanngilaq. Qeqertarsuatsiaat aamma tallimanngormat umiarsuarmit tikinneqarput.

Qeqertarsuup tunua suli sikoqartuarsinnarpoq, Ilulissat, Aasiaat aamma Qeqertarsuaq umiarsuarmit tikinneqarsinnaanngikkallarlutik.