Nunaqarfinni atuarfiit pisoqalivallaartut

Ilinniartitsisut kattuffiata IMAK -i nunaqarfinni atuarfiit illutaanut tunngasunik misisuisitsineranni erserpoq atuarfiit amerlaqisut ajorpallaartut nutartertariaqartullu.

Missuisitsineq apersuilluni isimasiunikkut upernaaq ingerlanneqarsimavoq. Tassani ilaatigut erserpoq atuarfiit amerlaqisut illutaat pisoqaavallaangikkunik mikivallaartartut, ussissagaaneri pitssanngilluinnartut, meeqqanut ilinniartitsisiunullu inissat annikippallaartut, katersuuffigisinnaasunik amigaateqarneq aammalumi atortussanut inissakilliorneq.

Upernaviup Atuarfiani pisortap tullia Karoline Rosing isumaqarpoq atuarfinnik nutarterisoqanngippat atuarfitsialaap anguniagaa nunaqarfinni anguneqarsinnaangitsoq.

- Atuarfitsialammut naleqqutinngilluinnarput, taamaammat taarsertariaqartutut nailerneqartariaqarput.

Karoline Rosing isumaqarpoq nunaqarfinni atuarfiit pitsaanginneri ilinniartitsisut ilinniarsimasut nunaqarfinnut nuukkusuttannginnerannut peqqutaaqataasoq.

- Isumaqarpunga ilinniartitsisut tusartuartaramikku atuarfiit qanoq aaqqissutariaqarluinnartigisut kajumigineq ajorpaat nusterfigissallugit,

Karoline Rosing isumaqarpoq.

Ilinniartitsiut kattuffianni siulersuisunut ilaasortaq Esther Rosiing isumaqarpoq misissuisitsinerup ersersitai avaammut saqqummiunneqarnissaat pingaaruteqartoq.

Esther Rosing aamma isumaqarpoq nunaqarfinni atuarfiit taama pitsaanngitsigitillugit atuarfitsialak tamakkiisumik anguneqarsinnaangitsoq:

Misissuisitsinerup inernera ilinniartsitisut atugassiaanni Ilinniartitsisumi tulliani saqqunmmersussami atuarneqarsinnaassaaq.