Nunaqarfinni aqutsisut siulittaasuat Nersornaaserneqartoq

Kuummiuni Sermiligaamilu nunaqarfinni aqutsisut siulittaasuata Boas Boassenip najukkami innuttaasunik ukiorpassuarni sullissisimanerminik nersorniarneqarpoq.

Boas Boassen, nersornaammik sølviusumik Inatsisartut siulittaasuannit nersornaaserneqarpoq.

Boas Boassenip inuiaqatigiinnik sullissinneqarneranni naalakkersuinikkullu Kuummiunut Sermiligaamullu aqutsisut siulittaasuattut peqataalluarsimanera, Inatsisartut Siulittaasuata Lars-Emil Johansenip oqalugiarnermini ilaatigut taavaa:

- Nunaqarfiit pineqartillugu salliujuarputit, taamatullu aamma 2015-imi Kuummiut ukiunik 100-nngortorsiornerata pilersaarusiorneqarnerani ingerlanneqarneranilu siuttuusimallutit, Lars-Emil Johansen oqarpoq, nangillunilu:

- Ukiorpassuarni kommunalbestyrelsimut ilaasortaasimavutit maannalu nunaqarfinni aqutsisuni siulittaasuullutit taamalu annertuumik akiussaaffeqarlutit. Tamannalumi aamma tupigineqarsinnaanngilaq, nunaqqativimmi aamma sulerulussinnaasutut pinertuutullu oqaatigisarpaatsit, Inatsisartut siulittaasuat Lars-Emil Johansen, Boas Boassenimut nersornaasiinermini ilaatigut oqarpoq.