Nunaqarfinni Aqutsisut inissitsiterput

Nunaqarfinni Aqutsisut inissitsiternissaat paamaarunneqarsimavoq, maannalu kiisami inissitsititileruttorput.
maajip 28-at 2013 12:49

Nunaqarfinni Aqutsisut inissitsiternissaasa paamaarunneqarnerinut pissutaasut ilagaat, qinigaasinnaanermut ataatsimiititaliap sulianik ingerlatsinera pisarnermit sivisunerusimammat. Uppernarsaatit Rigspoliteqarfimmit nassiunneqartut, allakkatut B-tut nassiunneqarsimaneri, tassalu nukingernanngitsutut nassiunneqarsimaneri pissutigalugu apuunniaasaarsimapput.

Suliallu qinigaasinnaanermut ataatsimiititaliamut nalunaarutigineqarlutik suliarineqarnera maanna naammassineqarput.

Tamatuma malitsigaasanik Qaasuitsup Kommuniani nunaqarfinni aqutsisut ippassaq inissitsiterput.

Kommuneqarfik Sermersuumi nunaqarfinni aqutsisut maajip aallartinneranili inissitsiterput. Tamatumani qinigaasinnaanermut ataatsimiititaliap aqutsisut katitigaanerinik allanngortitsisinnaanera eqqumaffigineqarluni, ilaasortalli qinigaasinnaanerat tallimanngormat akuerineqarput.

Qeqqata Kommunia nunaqarfinni aqutsisut sapaatit akunnerata siuliani inissitsiterput.

Kommune Kujallermi kinguaattooqqalaarput. Qinigaasinnaanermut ataatsimiititaliamit tallimanngormat aatsaat akissuteqarfigineqarput, allattoqarfiullu pisortaata Kim Dahlip nunaqarfinni aqutsisut sapaatit akunnerini qaninnerni inissitsiternissaat naatsorsuutigaa.