Nunaqarfinni aqutsisut atuutsiinnarneqassapput

Nunaqarfinni aqutsisut atuutsiinnarneqassapput, najukkanilu siunnersuisoqatigiit atuutilernissaannut pilersaarutaagaluartut taamaatinneqarlutik, Inatsisartut Aaqqissuusseqqinnissaq pillugu Ataatsimiititaliaa Inatsisartunut taama inassuteqarpoq.
oktobarip 23-at 2007 05:24

Ataatsimiititaliap siunnersuutitut innersuussutai ippassaq tunniunneqarput. Siunnersuutit Inatsisartuni novembarip ulluisa arfernganni oqaluuserineqassapput. Ataatsimititaliap tamarmiulluni siunnersuutigineqartut isumaqatigiissutigai, naatsorsuutigineqarporlu inatsisartuni amerlanerussuteqartut tapersersorumaaraat.

Nunaqarfinni aqutsisut atuutsiinnarneqarnissaat innersuussutigineqarneqaraluartoq ilaasortat affaannanngortinneqarnissaat siunnersuutigineqarpoq, nunaqarfiit sanileriit ataatsimoorussamik aqutsisoqalernissaannik taamaalillutik periarfissinneqassammata.

Kujataata Qeqqatalu kommuniini kommunalbestyrelseni ilaasortat 15-init amerlanerunnginissaat siunnersuutigineqarpoq aammalu Avannaata, Tunup/Kitaatalu kommuniini kommunalbestyrelseni ilaasortat 21-nit amerlanerunnginnissaat siunnersuutigineqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq