Nunaqarfimmut matoqqajaasumut 30 millioni koruunit atorneqartut
Innuttaasut akileraarutaannik asuli atuineruvoq, ukiunimi kingullerni Niaqornaarsummi 30 millioni koruunit piorsaassutaanikuupput atuarfiup aqutsisua Jørn Møller Larsen oqarpoq. Atuarfittaap saniatigut imermut tanki, oqaluffik nutaaq, tunitsivillu nutarterneqarsimapput. Atuarfiup aqutsisua aamma oqarpoq tusarsimallugu aasaru meeqqeriviliortoqarniartoq.
Atuarfittaaq 100-nik atuartoqarsinnaavoq, taamaallaalli 65-nik atuartoqarpoq, ukiut marluk matuma siornatigut tunitsivik taannarpiaq Arctic Green Foodip matummagu atuartut qulinik ikileriarmata. Atuartut ikileriaqqissappata atuarfiup aqutsisuata ilinniartitsisut ilai soraarsittariaqassavai, atuarfittaarsuarmi 17 millioni koruunilimmi sulisuusut.
Toqqissiviilliornaannanngilaq aammali paasiuminaappoq, atuarfiup aqutsisua Jørn Møller Larsen oqarpoq.
