Nunaqarfimmiut nioqqutissaaleqinngitsut

marsip 17-at 2006 16:52

Nanortallip pigisaani Ammassivimmiut, nioqqutissanik pilersorneqarnertik pitsaasoq angorusullugu, nammineq piumassusertik tunngavigalugu ataatsimiititaliaaqqamik nunaqarfimminni pilersitsisimapput. Niuertoq qanimut suleqatigineqartoq, pilersorneqarnerlu naammagisimaarnartoq, Ammassivimmiu Kristian Berthelsen oqarpoq.

- Ataatsimoortumik, immaqa tamakkiisumik tassa oqarluaannartariaqarpoq ajoqutissartaqanngingjattumik immaqaluunniimmi ajunngitsumik ingerlavoq. -- Tassa amigaateqanngilaasi?

- Tassa amigaaateqarpallaarneq ajorpugut. Soorunami makkua nungoqqajaasut paarnat allallu tamakkua immaqa ilaatigut amigaataalaartaraluarput. Kisianni amerlanertigut tamakkuninnga amigaateqarpallaarnata oqarsinnaavunga.

Taamatut naamagisimaarnartumik atugaqalersimanerminnut nunaqqatigiit nammineq soqutigisartik tunngavigalugu ”Atuisaartut ataatsimiititaliaaraanik” pilersitsisimanerat tunuqutaasoq Kristian Berthelsen oqarpoq.

Pilersitsisimavugut nunaqqatigiit sinniisugisassaannik, tassa Pilersuisumut. Tamannalu suleqatigiinnikkut pitsassumik anguneqarsimavoq.

Massakkut oqarsinnaavugut niuertoq, tappinnga niuertoruserput annertungaatsiartumik suleqatigisarparput aamma nuannersukuluumik immitsinnut ilassiuuttarpugut, Kristian Berthelsen oqarpoq.

Taamaalillutik Ammassivimmiut nunaqqatigiit oqartussaaqataalersimanerat nuannerluinnarpoq tusarlugu, nunaqarfillu Ammassivik 100-t missaannik inoqarpoq. Judith Hard Peilamann ilanngutassiamik suliarinnippoq.