Nunaqarfimmiut mobilikkut attaveqalilerput

Nunaqarfimmiut mobiltelefoninik ADSL-imillu atuilersinnaanissaannut pilersaarut piareertoq ukiorlu naanngitsoq tamarmik attaveqalissasut, TELE-p tusagassiisartua Malînãnguak´ Marcussen Mølgaard nalunaarpoq.

TELE-POST-imi sulisut umiarsuaaqqat Sanatit Søkongen-ilu atorlugit sinerissami nunaqarfinni attaveqaatinut atortunik junip aallartinneranit ikkussuilissapput. Qeqertarsuup Tunuani nunaqarfiit siulliunneqassapput, taakkulu mobiltelefonit ADSL-ilu julip ingerlanerani atulersinnaassavaat.

Sisimiut Maniitsullu komuuniisai nunaqarfiini mobiltelefonit aggusti qaammat atulersinnaanissaat pilersaarutigineqarpoq, ADSL-illu decemberip naanerani.

Nuup, Paamiut, Narsap, Qaqortup, Nanortalillu nunaqarfiinut mobiltelefonit ADSL-illu septemberip oktoberillu ingerlanerini atulersinniarneqarput.

Uummannap komuuniani tamarmik november-decemberimi pilersaarutigineqarlutik.

Upernavimmi Qaanaami, Tasiilamilu nunaqarfiit ADSL-ip oktober-novemberimi, mobiltelefonillu decemberimi atulersinnaanissaat pilersaarutaapput.