- Kaperlaap nalaani ajornartorsiorneq pisarpoq, Innaarsunnut qallunniaraluarlutik ilaatigut inuunermik akeqartarpoq. Tamanna naalakkersuinikkut suliallit, Naajaani pinngitsoorata pisiniarfittaarnissaq maannakkut pisariaqartipparput. Aappilattuneersoq, Naajaani Innaarsunnilu nunaqarfinni aqutsisuni siulittaasoq, Karl Petersen oqarpoq.Assi: KNR

Nunaqarfimmiut kamapput: Kaperlattumi qallunniarneq navianartorsiorfiusarpoq

Naalakkersuisut pisiniarfiliortitsisinnaanngikkunik allanik aaqqiissuteqartariaqartut, nunaqarfinni aqutsisut isumaqarput.

Kaperlattumi qallunniarneq ajunaarfiusinnaavoq.

Qaanaap eqqaani Qeqertani Naajaani kiisalu Upernaviup eqqaani Nutaarmiuni aappagu pisiniarfittaartoqarniarunnaarnernut tunngatillugu nunaqarfinni aqutsisunut ilaasortat taama oqarput.

- Kaperlaap nalaani ajornartorsiorneq pisarpoq, Innaarsunnut qallunniaraluarlutik ilaatigut inuunermik akeqartarpoq. Tamanna naalakkersuinikkut suliallit, Naajaani pinngitsoorata pisiniarfittaarnissaq maannakkut pisariaqartipparput.

Aappilattuneersoq, Naajaani Innaarsunnilu nunaqarfinni aqutsisuni siulittaasoq, Karl Petersen oqarpoq.

AAMMA ATUARUK Naalakkersuisut: Nunaqarfinni pingasuni nutaanik pisiniarfiliortoqassanngitsoq

Aamma Tasiusameersoq Avannaata Kommuniani nunaqarfinni aqutsisunut, kommunalbestyrelsimullu ilaasortaq Inuit Ataqatigiinneersoq, Regine Bidstrup isumaqataavoq:

- Aamma taakkuinnaannginnamik. Aamma allakkat. Assersuutigiinnarlugu allakkat poortukkalluunniit, nunaqarfimmut orniguteqqaarlutik aatsaat tamakku tigusarpaat.

Pisiniarfeqaleraluarunik taava periarfissaalissagaluarpoq. Namminneq nunaqarfimminni allakkat poortukkallu tigusinnaalissagaluarpaat, Regine Bidstrup oqarpoq.

Akornuteqalersut

Covid-19-ip nunarsuaq tamakkerlugu tunillaassuunnerata kingunerisaanik aningaasaqarnikkut pissutsit pissutigalugit Nunaqarfinni pingasuni pisiniarfiliornissamik pilersaarutinut aningaasaliisinnaajunnaarlutik Naalakkersuisut nalunaaruteqarput.

Karl Petersenip oqarnera naapertorlugu Naalakkersuisut neriorsuutaat arlallit taamaatiinnarneqartarput.

- Ilaatigut 2017-imi naalakkersuisoq nammineerluni attaveqarpoq, Naajaat pisiniarfittaarnissaat qulakkeerneqartoq. Ukiut tamaasa taamatut pineqarnerput akueriuminaappoq.

Siusinnerpaamik aappagu aningaasanut inatsisissatut siunnersuusiortoqaqqinnissaata tungaanut pisiniarfiliortitsinissamut pilersaarut uninngatikkallarneqarpoq.

Pisiniarfiliortoqarallassanngippallu allatut iliuuseqartoqartariaqartoq, Regine Bidstrup isumaqarpoq.

- Taamaanngippat, pisiniarfittaarsinnaanngippat, arlaatigut nioqqutissanut pisiniarsinnaanissaq periarfissaqarsinnaasariaqaraluarput. Nerisassat ulluinnarni pinngitsoorneqarsinnaanngitsut piginissai, Regine Bidstrup oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat