VIDEO Nunaqarfimmiut juullimut atisanik tunineqartussanngorput
Uummannap Upernaviullu eqqaani nunaqarfimmiut juullilernerani qilanaartuutissaqarput, tassami Karo Streetip Frederikshavnimi najugaqartup atisanik atornikunik katersisinnarluni, atisat 1,3 tonsit katersorsimavai, karsillu 90-inik ikinnerunngitsut nunatsinnut nassiullugit.
Allattoq Inga Hansen
novembarip 08-at 2014 12:00
- Inuiaqatinnut taamaalillunga ikiuussinnaanera saqqummerami katersillunga aallartippunga, Karo Street KNR-imut oqarpoq.
Atisat skuut allallu atoqqilluarneqarsinnaasut Aalborgip umiarsualiviani nassiukkiartorneqartut Royal Arctic Line tapersersuisoralugu nassiunneqarput.
- Takussagaluarparsi nuannertorujussuuvoq misigissuseq, kimulluunniit qanorluunniit annikitsigigaluamut ikiuutilaarsinnaalluni misigissutsikkut nuannertuuvoq, pilluarnartoq, tunisisoq nuannaartoq oqarpoq.
Atisat atornikuerniarfinnut tunniunneqartartut pillugit eqqarsaateqartilluni isumataarsimavoq atisarpassuarnik katerseriarluni Danmarkimiit Nunatsinnut nassiusserusulluni.
