Nunaqarfimmiut anngunniuteqataaqqusaanngitsut
Peqataannginnissaat pillugu Qimussersaq 1971-p februaarip 11-ani ataatsimeersuarnerani siulersuisut, Saqqami qimussertartut peqatigiiffiannut Suloraq 90-mut allagaqarput.
- Una pisoq imaannanngilaq, qimussertartut kattuffiata malittarisassai malillugit Suloraq 90-imi sulinerput ingerlatiinnassavarput. Aamma kattuffik ataatsimeersuarsimatinnagu Qimussersaq 1971-p kisimiilluni aalajangersarsinnaanngilaa qimussertartoqatiminnik mattussisinnaaneq, Suloraq 90-mi siulittaasoq Karl Th. Jensen, Saqqameersoq oqarpoq.
Kalaallit Nunaanni Qimussertartut Kattuffianni KNQK-mi siulittaasoq Mikkel Jerimiassen Qanorooq-mut ullumi oqaaseqarusunngilaq, oqarporli Ilulissani Qimussersaq 1971-p iliuuseqarnera piffissaanngitsukkut periarnerusoq.
Ilulissat nunaqarfittaanni tamanit qisuariaatit unnugu ataatsiissutigineqassasut oqaatigaa.
Ilulissani Qimussersaq 1971-miit allatsip Godmann Filimonsenip ilisimatippaatigut siulersuisut unnuup ingerlanerani inissitserumaartut, tamatumalu kingorna oqaaseqarsinnaasoqarumaartoq.
Avannaata Qimussersuaqarmat siorna ajugaavoq Jørgen Kristensen, Ilulissaneersoq, normu 2-julluni William Jensen Saqqameersoq, normu 3-julluni Ville Siegstad Ilulissaneersoq. Marsip 27-ani Qeqertarsuarmi Avannaata Qimussersua pissaaq.
Ilanngutassiaq Qanoruumi unnugu takuneqarsinnaavoq.