Nunaqarfimmiut aningaasanik ikittunik atorniarsinnaalernissaat mississuiffigineqassaaq
Misigisassarsiorlutik angalasunik aammalu takornarianik suliaqartut inuussutissarsiutinik aallartisaanissamut aningaasanik ikittunik atorniarsinnaanissaat periarfissatsialattut isigineqarpoq. Inuussiutissarsiutinik pioreersunik suliffinnik aallartitsinissamut aningaasanik ikittunik atorniarsinnaaneq periarfissaavoq, Ove Karl Berthelsen oqarpoq. Takornarianik suliaqartut, kulturikkut inuussutissarsiuteqartut suliffissaannik pilersitsinissamut, inuiattut nalunngisagut takutillugit aningaasarsititut atorneqarsinnaanerannut misissugassaqqissutut Ove Karl Berthelsenip isigaa.
Nunaqarfinni isorliunerusunilu pissutsit pillugit missisuisitsinerit naalakkersuisoqarfinni assigiinngitsunit aallartinneqassapput. Nunaqarfimmiut aningaasanik ikittunik atorniarsinnaanerat ilanngullugu mississorneqassaaq. Aningaasanik ikittunik atorniariaaseq qallunaatut mikrolånimik taaguuteqartinneqartoq ilaatigut nunani ineriartortuni soorlu Indiami arnaq kisimiittoq nunaateqarnermik inuussutissarsiuteqarniartoq aningaasanik ikittunik atorniarsinnaavoq, tamatullu iluseqarluni aningaasanik ikittunnik atorniarsinnaaneq nunatsinni periarfissaasoq Inuussutissarsiutit pillugit Naalakkersuisoq Ove Karl Berthelsen oqarpoq.
Aningaasanik ikittunik atorniarsinnaanermut annerpaaffissaq ikinnerpaaffissarlu suli isummerfigineqanngilaq.