Nunaqarfimmi tunisassiorfik aatsaat taama tunisassiortigisoq
Aalisartut atortorissaarnerulernerat tunisassiorfiullu qerinasuartitsivittaarsimanera angusarissaarnermut peqqutaasut Ukkusissani aalisakkerivimmi aqutsisoq Johanne Samuelsen oqaluttuarpoq.
- Aatsaat taama tunisassiaqartigaagut. Siornatigut 300 tonsit missaannaanittut tunisassiarisarpagut, taamaammat angusarput naammagisimaarluarparput, Johanne Samuelsen taama oqarpoq.
Ukkusissani aalisakkeriviup ukiormanna tunisassiassatut 600 tonsit siunniunneqarsimasut taamaalillugit qaangerneqarput.
Qerinasuartitsivittaarneq pissutaaqataasoq
- Ukiut marluk matuma siorna tunisassiorfitsinni qerinasuartitsivittaarpugut iluaqutigeqisatsinnik, aamma aalisartut aalisarnerminni atortorisaarnerulernikuupput. Angusarissaarnitsinni taakku peqqutaaqataalluinnarput, Johanne Samuelsen oqarpoq.
Ukkusissani innuttaasut 200-t missaaniipput, tunitsivimmilu sulisut aqqaneq-marluk missaaniipput.
