Narsarsuup siunissaa qulakkeerniarlugu siunnersuutigineqartut nunaqarfinni aqutsisut siulittaasuannit pikkugineqarpallaanngillat, taannami isumaqarpoq siunnersuutit piviusorsiratillu uivernerusut. Assi toqqorsivimmit.Assi: Kristiansen Lars

Nunaqarfimmi aqutsisoq: Narsarsuaq pillugu Kujalliup siunnersuutai piviusorsiunngillat

Qaqortoq 2023-imi mittarfittaarpat Narsarsuarmi suliffiit arlaqartut annaaneqassapput. Narsarsuup siunissaa qulakkeerniarlugu siunnersuutigineqartut nunaqarfinni aqutsisut siulittaasuannit pikkugineqarpallaanngillat, taannami isumaqarpoq siunnersuutit piviusorsiratillu uivernerusut.

Naalakkersuisut danskillu naalagaaffiata Kangerlussuup atuunnarnissaa qulakkeereerpaa, taamaatorli Narsarsuup siunissaa suli qulakkeerneqanngilaq.

Qaqortumi mittarfissaq naammassineqarpat Narsarsuup mittarfissua matuneqaratarsinnaavoq, heliportiinnartullu atorneqalerluni. Taamaammallu Kommuni Kujalleq Narsarsuup siunissaa qulakkeerniarlugu siunnersuusiornikuuvoq.

Kommuni Kujalleq assigiinngitsunik arlaqartunik siunnersuusiorpoq. Akunnittarfiup parnaarussivinngortinnissaa, aningaasanoortarfimmik pilersitsisoqarnissaa, nunaateqarnermut ilinniarfeqalernissaa ilaatigut siunnersuutigineqarput.

AAMMA ATUARUK Narsarsuup akunnittarfia aningaasanoortarfittut parnaarussivittulluunniit atorneqarsinnaasoq

Taamatullu siunnersuusiorneq piviusorsiornanilu uivernerusoq nunaqarfinni aqutsisut siulittaasuat Inuit Ataqatigiinneersoq, Mouritz Karlsen isumaqarpoq

- Napatinniaannarlugu annaassiniapallannertut isikkullit, tamakku mianersuuttariaqartutut uanga isumaqarfigivakka. Nammineq siunniussatsinnik aaqqissuussinissaq, taavalu aningaasalersorneqarsinnaasunik. 2014-imi anguniakkani 19-inik soorlu, ataaserluunniit ulloq manna tikillugu nalilersuiffigineqarnikuunngilaq. Ilai aningaasarpassuarnik malitseqartussaammata, suminngaanniillu aningaasalerneqassanersut?

Nunatsinni parnaarussivinni sulisussaaleqineq pioreersoq ilaatigut siulittaasup tikkuarpaa. Nunaateqarnermut ilinniarfiup nuunneqarnissaa isumassarsiatsialaannginnerarlugulu:

AAMMA ATUARUK Narsarsuarmiunut qularnaveeqqusiinngilaq: Naalakkersuisut aalajangiissapput

- Narsami pioreersut tamakku eqiterfigineqarneri, Inuileqarlunilu ataqatigiittutut inissisimasut ingiarniarnagit, taanna mianernalaartorujussuuvoq.

Suliffeqarfinnut tunngatillugu Kommuni Kujalliup siunnersuutaa nunaqarfimmi aqutsisut siulittaasuata isumaqataaffigaa.

- Narsarsuup iluarsaassisarfittut inissiivigisinnaasumik nunarujussuaqarami taavalu sissiugarsuaqarluni mittarfeqarluni. Taanna periarfissatsialaavoq taamatut aamma atorneqarsinnaalernissaa.

AAMMA ATUARUK Narsarsuup Kangerlussuullu siunissaat ilusilersuleraat

Narsarsuarmi pioreersut atorluarneqarsinnaasut pillugit suleqatigiissitanik isummersoqateqarnissani siulittaasup qilanaaraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat