Nunaqarfik alla aamma 2013-imi Avatangiisinik Pinngortitamillu Mianerinninneq pillugu Nersornaaserneqassaaq

Avatangiisinik Pinngortitamillu Mianerinninneq pillugu Nersornaasiisoqassaaq Itillimi Meeqqerivik ”Nuunu”-mi ullumi tallimanngornermi decembarip 13-iani, nal. 19.00.
Allattoq Simon Uldum -
decembarip 13-at 2013 05:14

Nersornaat 25.000 kr.-inik aningaasartaqarpoq ataanilu allassimasoq tunngavigalugu tunniunneqarluni:

- Itillermiut suleqatigiillutik ataatsimoorussillutillu nunaqarfitsik saligaatsuutippaat. Nunaqarfimmi maangaannaq eqqaaqqusaanngillat meeqqallu inuusuttullu eqqaaqqunagit oqaanneqartarlutik. Eqqagassat igalaamerngit qillertuusallu immikkoortiterneqartarput eqqagassallu Sisimiunukaanneqartarlutik.

Eqqaavissuarmiittut eqqakkat immikkoortiterneqarput, nunaqarfik salinneqarluni ataavartumillu saligaatsuutitsineq ingerlanneqarluni, tamannalu Itillermiut namminneq aallartitaraat aaqqissuussaralugulu.

Meeqqat inuusuttullu peqaataatinneqarnermikkut oqaanneqarnermikkullu nunaqarfimmik saligatsuutitsinermut akuutinneqarput taamaasillutillu Itillermiut nunaqqatiminnut maligassiuipput nersorneqartariaqarlutillu.

Inuit, suliffeqarfiit kattuffiilluunniit tamatsinnik pinngortitamik avatangiisimillu mianerin-ninnissatsinnik ilisimaarinnilersitsisut imaluunniit Kalaallit Nunaanni suliniuteqarnermikkut avatangiisitsinnik pitsanngorsaataasumik iliuuseqarsimasut nersorniarlugit nersornaat tunniunneqartarpoq.

Una 2013-imi nersornaatisisussat pingasuusut kingullersaraat.