Nunaqarfik akunnittarfittaarpoq
Akunnittarfik taaguuteqartoq "Hotel Nordlys", kalaallisut taasinnaasarput akunnittarfik Arsarnerit, sivisuumik piareersarneqareerluni, marluuttarissanik sisamanik kisimiittarissamillu ataatsimik initaqarluni unnuiffigineqarsinnaanngussaaq.
Akunnittarfimmik piginnittup Ole Dorphip nunaqarfimmi niuertorutsip illutoqaa nutarterlugu akunnittarfiliarisimavaa.
Akunnittarfimmik pilersitsinikkut nunaqarfimmi takornariaqarnikkut inuussutissarsiornikkullu siuariartitsinermik kinguneqarumaarnissaa siunertarineqarpoq. Taamaattumik Ole Dorphip takornariartitseqatigiiffik Ilulissat Xpress aqqutigalugu akunnittarfik pilersippaa.