Nunaqarfiit ballorngerujussuit atorlugit qaammarsarniarpaat

Nunani issittuni nunaqarfiit ukiumi taartartoq naluneqanngilaq. Nunaqarfiit aqquserngi aamma sissai kaperlalernerani qanoq ilillugit qaammarsarneqarsinnaanerat illussanik titartaasartunngorniat canadamiut marluk isumassarsiaraat.

Ballongersuit angisuut qaammarsinnaasut sanalersaarpaat. Ballongersuit taakku meterinik arlalinnik diametereqartut, sissamut, katersortarfiit eqqaannut, pisiniarfiit eqqaannut aamma allanut inuit angalaffiinut inissinneqassapput, ukiumilu qaammarsaassallutik.

Ballorngersuit taakku aasaanerani seqernup kissaata nukissiortassavaat, nukilu taanna ukiuunerani qaamaninngortinneqartassalluni. Taamaaliornikkut nunarfiit ukiumi qaammarsarneqartassallutik. Ballorngersuit sissamiittut uuttuutinik ikkussiffigineqassapput, uuttortassallugit tinittarneq ulittarnerlu, aamma immap sarfaa kianneralu.

Aviisip National Postip allaatigisaa naapertorlugu, isumassarsiaq taanna Waterloo Universitetimi ilinniartunit marlunnuit, Virginia Fernadezimit aamma Claire Lubellimit, illussanik titartaasartut unammisinneqarneranni ilaatinneqarsimavoq ajungaatinneqarsimallutillu. Ilinniartut taakku isumassarsiaat taaguuteqarpoq "Qaamaneq Imerpalasoq".

Qulleq aasami misilinneqarsimavoq ukiumili anorersuarnerani suli misilinneqarsimanani.