Toqqorsivimmit assiAssi: Tekniska museet / Flickr

Nunaqarfiit arlallit nutaamik imeqarfeqalissasut

Nunaqarfinni 14-ini imermik pilersuineq ukiut ikittunnguit qaangiuppata pitsaanerulissaaq.

Nunaqarfinni arlaqartuni imeqarfinnik nutaanik Nukissiorfiit sanaartornialerpoq.

Imileriffiit sananeqartussat, Qassiarsummi sananeqaqqammersup assigissavai. 

Kujataani nunaqarfiit Tasiusaq Eqalugaarsuillu ukiortaartinnagu imileriffittaassapput, taamaalillutik pitsaanerusumik imissaqalissallutik.

Tamatuma kingunerissavaa, imermik qalatitseqqaarnissamik inassut junimi 2016-milu atuutulersoq atorunnaassaaq.

- Nukissiorfimmiit neriuppugut naatsorsuutigaarpullu imeq pitsaanerulissasoq,

Nukissiorfimmi teknikkimik pisortaq Mogens Nielsen oqarpoq.

Nunaqarfiit nutaamik imeqarfeqalertussat 
2018 - Tasiusaq
2018 - Eqalugaarsuit
2019 - Alluitsup Paa
2019 - Atammik
2019 - Itilleq
2019 - Attu
2019 - Ikerasak
2019 - Tasiusaq
2019 - Semiligaaq
2020 - Qassimiut
2020 - Igaliku
2020 - Qeqertat
2020 - Isortoq
2020 - Tiniteqilaaq

Najoqqutaq: Nukissiorfiit

Kujataani nunaqarfimmi Qassiarsummi imermik qalatitseqqaarnissamik inassut, 2013-imili atuuttoq, ukioq manna novemberimi atorunnaarpoq.

Qassiarsummiullu imermik taama sivisutigisumik qalatsitseqqaartariaqartarsimanerat pissutigalugu  nutaamik imileriffittaarput, nunaqarfinnilu 15-ni  nutaamik imerilerffeqalertussani siullersalluni. 

- Imeq pitsaanerulissaaq nunaqarfinnilu imeqarfinnut tamanna aaqqiissutaavoq pitsaasoq, nunaqarfinnilu allani aamma piaartumik taamaalissalluni, Mogens Nielsen oqarpoq.

AAMMA ATUARUK Qassiarsummi imermik qalatsitseqqaaqqusineq ukiut tallimanngullartullu atorunnaartoq

Nunaqarfiit 14-it nutaamik imeqarfeqalissapput. Marluk ukioq 2018 naalerpat, arfineq marluk ukiup tulliuttup ingerlanerani kiisalu 2020-imi tallimat sananeqassapput.

Nunaqarfinni 14-ini taakkuani Eqalugaarsunni imermik qalaatitseqqaarnissamik maannakkut inassuteqarpoq. Nunaqarfiit tamaasa qiviaraanni tallimani imermik qalatitsinissamik maannakkut inassuteqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat