Nunaqarfiit amerlanersaanni internetti pitsaanerulersoq

Nunatta nunaqarfiisa amerlanersaanni internettimik illoqarfinni internetip sukkaqataanik atuisoqarsinnaalissaaq. Tele-Post tusagassiuutinut taama nalunaaruteqarpoq.

Kapisilinni, Qeqertarsuup tunuani nunaqarfinni taavalu Qeqqata Kommuniani nunaqarfinni sukkasuumik internettimut attaviit periarfissaalersut Tele-Post nalunaarpoq.

Avannaanili nunaqarfinni sakkortusaaveqarfinniittut Kujataanilu immap naqqatigut kabelip kittorarneranit eqqorneqaqqasuniittut suli utaqqeqqaarallartariaqarput.

Avannaanili sakkortusaavik aasap naalernerani nutarterneqareerpat nunaqarfinni avannaaniittuni sukkasuumik internetimik atuinissamut periarfissaqalissasoq, Tele-Post paasissutissiivoq.

Kujataanilu immap naqqatigut kabeli iluarsaanneqareerpat aamma Kujataani nunaqarfinniittut taama periarfissaqalissapput.

AAMMA ATUARUK Nunaqarfiit 2018-imut utaqqisariaqassasut

Satelittikkut internettimut attaveqarfinniittut, tassalu nunaqarfiit Qaanaap eqqaaniittut Tunumilu nunaqarfiit, maanna pitsanngorsaanermut ilanngunneqanngitsut Tele-Post paasissutissiivoq.

Tele-Postilli nunaqarfinni sukkasuumik internettimik atuisinnaalersitsinermini innuttaasut 92 procentiisa sukkasuumik internettimik atuisinnaanissaannut anguniakkani qanilliartorpaa.

- Digitalimik atortoqarnikkut nunatsinnut tamanna assorsuaq qaffariaataavoq. 2017-imiit 2020-mut periusissiami, innuttaasut amerlanersaasa sukkasuumik internetteqalernissaannik siunertaqartumi, Tele-Post taamaalilluni siuariarluarpoq, Kristian Reinert Davidsen oqarpoq.

AAMMA ATUARUK Tele-Post suleriaasissamik nutaamik saqqummiisoq

Nunaqarfinnilu internettip pitsanngorsarneqarnera aamma nunaqarfiit peqatigiiffiannit nuannaarutigineqarpoq.

-Nunaqarfiit amerlanerit Tusass internetimik saqqummiivigineqarnissaannut atasumik, KANUNUPE-mik qanimut suleqateqarsimaneq nuannaarutigaarput. Naak nunaqarfiit arlalinnguit aasap naalernerani aatsaat attavinissagaluartut, Tele-Postip saqqummiussinissamik pilersaarutaanut naammagisimaarinnillutalu paasinnippugut, KANUNUPE-p siulittaasua Jens Kristian Therkelsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat