Nunap sisoorneratigut Ugandami inuit 80-it ajunaarput
Ajunaartut 80-it qaqinneqareersut, maqaasineqartullu maanna 400-t sinneqartut Røde Korsimit oqaaseqartitap oqaatigaa.
Ugandap kangisissuani sapaatip akunnerini kingullerni sialussuaqattaarpoq maannalu annaassiniat marullummi ajunaarsimasunik annassimasunilluunniit ujaasileruttorput.
Meeqqat 60-it missaat maqaasineqartunut ilaapput. Taakku peqqinnissamik isumaginnittoqarfimmut qimaasimapput, taannalu unnuaanerani aseruatitersimasoq BBC-mit oqaatigineqarpoq.
Naalakkersuisut Røde Korsimit qinnuigineqarput, ingeniørinik sakkutuuneersunik nunap immikkoortuanut Bududa-mukartitseqqullugit, illorsuarni uppikaasimasuni ujaasinermi ikiortigineqarniassammata.