Nunap sisoorneratigut Ugandami inuit 80-it ajunaarput

Ugandap kangisissortaani nunap sisoorneratigut inuit 80-it ajunaarput, hunnorujulikkaallu arlallit suli maqaasineqarlutik. Ugandami Røde Kors nutaarsiassartitsivimmut Ritzauimut taama nalunaaruteqarpoq.
Allattoq Elisa Isaksen
marsip 03-at 2010 07:09

Ajunaartut 80-it qaqinneqareersut, maqaasineqartullu maanna 400-t sinneqartut Røde Korsimit oqaaseqartitap oqaatigaa.

Ugandap kangisissuani sapaatip akunnerini kingullerni sialussuaqattaarpoq maannalu annaassiniat marullummi ajunaarsimasunik annassimasunilluunniit ujaasileruttorput.

Meeqqat 60-it missaat maqaasineqartunut ilaapput. Taakku peqqinnissamik isumaginnittoqarfimmut qimaasimapput, taannalu unnuaanerani aseruatitersimasoq BBC-mit oqaatigineqarpoq.

Naalakkersuisut Røde Korsimit qinnuigineqarput, ingeniørinik sakkutuuneersunik nunap immikkoortuanut Bududa-mukartitseqqullugit, illorsuarni uppikaasimasuni ujaasinermi ikiortigineqarniassammata.