Cubap illoqarfiisa pingaarnersaanni Havanami illut arlallit nakkaattoorsinnaanerat aarleqqutigineqarmat inuit tamaani qimagussorneqarput. Nutaarsiassaqartitsivik AFP taama allaaserisaqarpoq.Assi: Adalberto Roque/AFP/Ritzau Scanpix

Nunap sajorujussuarnera pissutigalugu Cubami Miamimilu qimagussuisoqartoq

Nunap sajunnera uuttuineq naapertorlugu 7,7-imik sakkortussuseqartoq Jamaicallu sineriaanit avannaq-kippasissumut 125 kilometerinik isorartutigisumi malugineqarpoq.

Caribiami immap naqqani nuna sakkortuumik sajummat tamanna Jamaicami, Cubami, Caymanip qeqertaanni Floridamilu Miamimi malugineqarpoq.

Nutaarsiassaqartitsivik Reuters taama allaaserisaqarpoq.

Nunap sajunnera Richterip nunap sajuttarneranik uuttuutaa naapertorlugu 7,7-imik sajuppoq, Jamaicallu sineriaanit avannaq-kippasimmut 125 kilometerinik ungasitsigisumi nunatta nalunaaqutaa naapertorlugu ippassaq ualikkut nalunaaqutaq sisamat missaanni sajuppoq.

Aqqunartitertoqarsimaneranik aseruatitertoqarsimanerinillu suli nalunaaruteqartoqanngilaq.

AAMMA ATUARUK Naalagaaffiit Peqatigiit: Ukioq 2019 nunarsuup kiannerpaaffiata tulleraa

Cubap illoqarfiisa pingaarnersaanni Havanami illut arlallit nakkaattoorsinnaanerat aarleqqutigineqarmat inuit tamaani qimagussorneqarput. Nutaarsiassaqartitsivik AFP taama allaaserisaqarpoq.

USA-milu illoqarfissuarmi Miamimi innuttaasut ilaat najukkaminnit aamma qimagussorneqartariaqarsimapput.

Jamaicami aviisit ilaata The Observerip allaaserisaa naapertorlugu nunap sajunnera nuna tamakkingajallugu malugineqarsinnaasimavoq.

Jamaicami, Cubami Caymanip qeqertaanni, Mexicomi, Belizemi Hondurasimilu tassaarsuaqarsinnaanissaa aarlerisaarutigineqaraluarpoq, aarlerisaarutilli kingorna taamaatiinnarneqarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat