Nunap qeriuaannartup aakkiartupallannissaa assortuussutigineqarpoq
Nuna qeriuaannartumut tunngasunik ilisimasallip Alaskaminngaanneersup, qarasaasiakkut naatsorsuinerit silaannaap allanngoriartupiloornissaannik siulittuisut, upperinngilai. Taama CBC North allappoq.
Amerikamiut marluk silaannaap allanngoriartorneranik ilisimatuut, qanittukkut qarasaasiat atorlugit paasivaat nunarsuup avannaani, nunap qerijuaannartup 90 procentia ukiut 100-t ingerlaneranni, aassinnaasoq.
Ilisimatooq Vladimir Romanovsky University of Alaska-meersoq allappoq, ilisimatuut amerikamiut taakku marluk naatsorsuutiginngitsoorsimagaat nunap qerijuaannartup qerisortaa piinngippat, nuna aakkiartulernavianngitsoq.
Romanovsky aamma allappoq, ilisimatuut Ameerikkarmiut silaannaap allanngoriartorneranik naatsorsuusiaat, ingasattajaarpallaartut.