"Nunap pisuussutai perloqqusat"
Aningaasarsiornermik ilisimasaqarluartut nunat ilaannik ”Nunap pisuussutaannik perloqqusaasunik” taakkartuipput, matumani assersuutigineqarlutik, soorlu Venezuela Iran-ilu. Tassa nunat ingerlalluaraluartut, aningaasarpassuarnik tassanngaannaq pissarsisut, tamatumalu kingornagut tassangaannaq ammut ingerlalersut. Kalaallit Nunaat aamma taamatut eqqugaasinnaavoq, taamatut oqarpoq aningaasaqarnikkut institutimiit Københavnip ilisimatusarfianeersoq professori David Dreyer Lassen.
Nunani nunap pisuussutai pineqartillugit, naalakkersuinikkut ingerlatsisut qinersisartullu immikkut isumaqatigiissusiortuusillutik pisarput, qinersisartummi akileraarutinik akilersuigunik taava oqartussaasut tunisinissaat naatsorsuutigissavaat assersuutigalugu atuarfeqarnikkut, peqqinnissakkut imaluunniit illersornissakkut aningaasartuuteqarnissaq oqartussaasunit isumagineqassaaq.
Qinersisartummi akileraarutitigut akilersuisuugamik taava qanoq ingerlatsisoqarnissaanik aliangiisuussapput.
Nunat akileraarutitigut pituttorsimanngitsut, allatigullu isaatitsisut soorlu pisuussutinik imalunniit uuliamik isaatitsineq ingerlanneqarpat, taava qinersisartunit pisortat ingerlatsisutut naqissuserneqartarput.
Taamaalilluni pisortat pingaarutilinnik ingerlatsinerat nalorninartumik ingerlanneqalersinnaavoq, tassa aningaasaqarlualerneq pisuulluni.
Taamatut Kalaallit Nunaanni ingerlatsisoqalersinnaanera annilaangassutigineqarsinnaava?
Qanittumi oqallitsitsinermi apeqqutigaara Kalaallit Nunaanni ilaqutariit akornanni imaluunnit inunni aalajangersimasuni peqquserluttuliortoqartarnersoq. Tamanna iluamik paasisallugu pingaaruteqarpoq.
Oqarnianngilanga Kalaallit Nunaanni peqquserluttuliortoqartartoq.
Kisianni iluamik paasiniaasoqarluarnissaa pisariaqarpoq, tamannami aningaasarsiornerup annerulerneratigut ajornartorsiut angineruliinnartissanngippagu pisariaqarmat, David Dreyer Lassen oqarpoq.
