Nunap inuiisa oqaasii Alaskami immikkut sammineqalersut

Alaskami naggueqatigiit Inuit indianerillu amerlanersaat oqaatsitik iluamik atorsinnaanngilaat.

Aanaakkut aataakkullu nunaqarfinni illoqarfeeqqanilu najugallit nunap inoqqaavisa oqaasiinik atugaqarput, inuusunnerilli oqaatsit taakku ilikkarsimanngilaat, meeqqat atuarfianni tuluttut atuartitsisoqartarmat.

Utoqqaalli nunaqarfiit ilaanni najugallit nunap inoqqaavisa oqaasiinik oqalussinnaanngillat, atuarfinni inerteqqusaasimammata, meeqqaallu taama oqaasillit pillarneqartarsimammata.

Alaskami nunap immikkoortuani politikerit sisamat tamanna maanna iliuuseqarfiginialerpaat. Alaskami nunap inoqqaavi oqaasiisa pisortatigoortumik oqaaserineqalernissaat, politikerit taakku siunnersuutiginialersaarpaat.
Alaskami nunap inoqqaavisa oqaasii 20-upput, naggueqatigiit Inuit oqaasii marluk, tassa Inupiaq Yupiillu oqaasii taakkununnga ilaallutik. Indianerit soorlu Haida, Ahtma aamma Tanana Alaskami nunap inoqqaavisa oqaasiinut ilaapput.

- Kinguaassatta nunap inoqqaavisa oqaasiinik atugaqalersinnaanissaannut tamanna ammaassivoq, Ben Nageak, siunnersuusiortut ilaat aviisimut Alaska Dispatchimut ilaatigut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat