Nunap inuii issittumiittut ilisimasaqarnersuupput

- Ilisimatuut nunallu issittumiittut inuiisa silaannaap allanngoriartornera pillugu misissuinerni suleqatigiinnerat ilisimatusarnikkut alloriarneruvoq, taama USA-mi Harvardip ilisimatusarfiani inuit issittormiut ilisimasaat pillugit ilisimatusartoq, silaannaallu allanngoriartornera pillugu Islandimi ataatsimeersuaqataasoq, Shari Gearheard Fox oqarpoq.

- Pingaaruteqartorujussuuvoq ilisimatuut sulinerminni nunap inuiinik suleqateqarnissaat, nunat inuii ilisimatuutut ilinniagaqarsimanngikkaluartut nunaminni pissutsit minnerpaat tikillugit  ilisimatuujupput, ilisimatuullu tamanna aamma akuerissallugu pisariaqartittarpaat, Shari Fox oqarpoq.

Sumiiffinni assigiinngitsuni najugaqartut ilisimasaat ilisimatuunit atorfissaqartinneqartuaannassapput, ilisimatuut najukkani pineqartuni najugaqartuunnginnerat pissutigalugu.

- Siunissaq eqqarsaatigalugu pisariaqassaaq ilimatusarnikkut suleqatigiiaanik, pissutsinik inuunerminni ulluinnarsiuteqarnertik pissutigalugu ilisimasalinnik universititinilu ilisimatusartunik inuttalinnik suleqatigiittoqartarnissaa, Shari Fox oqarpoq. Silaannaap allanngoriartornranik missuinermi issittumi piniartut ilisimatuullu suleqatigiissimanerat siullerpaajunngikkaluarluni annertussutsimigut alloriarnerujussuusoq Shari Fox isumaqarppoq. Nammineq misissueqataasimanini assersuutigaa.

- Issittumi sikusartup misissuiffiginerani Nunavumi piniartut Alaskamilu Barrow-mi Inuppiaat suleqatigisimavagut, misissuinermilu nunani taakkunani piniartut ataatsimut suleqatigiissinneqarput, Shari Fox oqarpoq. Neriuutigaa suleqatigiinnerit tamaattut siunissami amerlanerulerumaartut.

Issittormi nunat inuiisa ajornarorsiutitik pillugit tusaaneqarnerulernissaat ilisimatusarnerup aqqutissiuuppaa, aammali ilisimatuut qinikkanit tusaaneqarusullutik nunap inuiinik suleqateqarneq aqqutigaat, Shari Fox oqarpoq.