Canada: Nunap inoqqaavisa angutitaat amerlasuut periarfeerunneqartartut

Canadami nunap inoqqaavisa arnartaasa periarfeerunneqartartut toqutaasartullu amerlanerujussuat pillugu misissuineq annertooq aallartippoq.
Assi © : Alec Couros/Flickr Creative Commons
Allattoq Marianne Stenbæk, Montreal, Canada
februaarip 13-at 2017 07:03
Nutserisoq Jaaku Lyberth

Nunap inoqqaavisa angutitaat periarfeerunneqartut aamma amerlapput.

Canadami nuna tamakkerlugu misissuinissamut ataatsimiitaliarsuup,  Canadami naggueqatigiit inuit, metissit indianerillu arnartaasa periarfeerunneqartut toqutaasullu misissuiffigineqarnissaat aallartileruttorpaa.

Arnat kisimik periarfeerunneqarneq-ajorput. Periarfeerunneqartuni angutit arnanit amerlanerupput.

Taamaattuumik  ataatsimiititaliarsuarmit isumaliutigineqarpoq,  nunap inoqqaavisa angutitaasa amerlasuut periarfeerunneqartarnerat toqutaasarnerallu aamma misissuiffigineqassasoq.

Marion Buller misissuitsinermi aqutsisuusoq, aviisimut Globe and Mailimut oqarpoq,   arnat toqutaasut periarfeerunneqarsimasulluunniit ilaqutaannik  killisiunissaminnik maanna piareersimallutik.

Ilaqutaasut killisiorneqarlutik apersorneqarnissaannut ininik immikkut sanaaneqartunik peqassaaq, eqqartuussivinnut sanilliullutik toqqissisimanarnerussammata.    

Ilaqutaasut ataatsimoorlutik uppernarsaasuusinnaapput.

Canadami nuna tamakkerlugu misissuineq 300 millionit koruunit missaannik akeqassaaq misissuinerlu ukiut marluk suliarineqassalluni.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq